இன்னல் விலக்குவாள் இருக்கண்குடி அம்மன்

விருதுநகரிலிருந்து 32 கி.மீ, சாத்தூரிலிருந்து 8 கி.மீ தொலைவில் உள்ளது, இருக்கண்குடி மாரியம்மன் கோயில். பக்தர்களின் இன்னல் போக்கும் தலம். முன்பொரு காலத்தில், சாணம் பொறுக்குவதற்காக வந்த இளம்பெண், தற்போது அம்மன் இருக்கும் இடத்தில் வைத்த கூடையை எடுக்க முடியாது திண்டாடினாள். கூட்டம் கூடியது.அப்பெண், ‘நான் மாரியம்மை… எனது திருமேனி இங்கே மணலில் புதைந்து கிடைக்கிறது. எடுத்து வழிபடுங்கள்’ என்று அருள் வந்து கூறினாள். மணலை தோண்டி சிலையைக் கண்டறிந்த மக்கள் அங்கு கோயில் கட்டி வழிபட்டனர். ஆக்கலும் அழித்தலும் நானே என்பதற்கேற்ப வலது காலை மடித்து இடது காலை தொங்கவிட்டிருக்கிறார் இருக்கண்குடி மாரியம்மன்.

வைப்பாறு, அர்ச்சுனா நதிகள் சூழ கோயில் உள்ளதை இரு கங்கைகள் கூடுவதாகக் கூறி இருக்கங்(ண்)குடி என்று ஊர் அழைக்கப்படுகிறது.

இங்கு வாழவந்தம்மன், ராக்காச்சியம்மன், பேச்சியம்மன், முப்பிடாரியம்மன் ஆகியனவும், காவல் தெய்வமாக கருப்பசாமியும் உள்ளனர்.

குழந்தைப்பேறு, திருமண வரம், அம்மை நோய், உடல் உறுப்புகள் குறைபாடுகள் தீர நேர்ந்து கொள்ளுதல், பார்வை தர வேண்டுதல் பக்தர்களின் முக்கிய பிரார்த்தனைகள்.அம்மனிடம் வேண்டிக்கொள்ளும் அனைத்து பிரார்த்தனைகளும் நிறைவேறுகின்றன.

அம்மனுக்கு அக்னிச் சட்டியும் ஆயிரங்கண்பானையும் எடுத்து அருளோடு வலம் வந்து வேண்ட, வாழ்க்கையில் வளம் பெறலாம். கயிறு குத்துதல், உடல் குறைபாடுள்ளவர்கள் உருவபொம்மை செய்து வைத்தல், குழந்தை வரம் வேண்டுவோர் தொட்டில் கட்டி வைத்தல், விளக்கு போடுதல், புடவை சாத்துதல், அன்னதானம் செய்தல் உள்ளிட்டவை பக்தர்களின் நேர்த்திகடன்களாக உள்ளன.

பஞ்ச பாண்டவர்கள் தீர்த்தமாடிய அர்ச்சுனன் ஆறு கோயிலுக்கு வடக்கில் உள்ளது. இங்குள்ள வயன மண்டபத்தில் 20 நாள் தங்கி 6 பூஜைகளுக்கும் போய் தீர்த்தம் எடுத்து தடவினால் கண்பார்வை கிடைக்கும். அம்மன் தோன்றிய இடத்தில் உள்ள தல விருட்சத்தில் தண்ணீர் எடுத்து ஊற்றினால் குழந்தை பாக்கியம் கிடைக்கும். மருத்துவர்களால் கை விடப்பட்ட அம்மை,தீராத வயிற்று வலி,கை கால் ஊனம்உள்ளிட்டவை நீங்கும் அதிசயம் இத்தலத்தில் நடக்கிறது.ஆடி வெள்ளி அம்மனை வழிபட சிறந்த தினம். அம்மனை நினைந்துருக, எண்ணிய வளங்கள், நினைத்ததெல்லாம் கிட்டுகின்றன. தாயின்றி நாம் இல்லை. அம்மனை வணங்கி உயர்வோமாக!

Advertisements

வேண்டும் வரம் அளிக்கும் இருக்கண்குடி மாரியம்மன்

இந்தியாவிலேயே தொன்மைவாய்ந்த கோயில்கள் மற்றும் அவற்றின் கலாச்சாரச் சிறப்புகளுக்குப் பெயர்பெற்றது தமிழகம் என்றால் மிகையில்லை. அந்த வகையில் கிராமங்களும், அவற்றில் கடைபிடிக்கப்படும் கலாச்சாரங்களும் தமிழகத்தின் தென்மாவட்டங்களில் இன்றளவும் தொன்றுதொட்டு கடைபிடிக்கப்பட்டு வருகிறது.

இயற்கையோடு ஒருங்கிணைந்த ஏராளமான கிராமதேவதைகள் மற்றும் ஒவ்வொரு ஊருக்கும் உரிய சிறப்புப் பெற்ற அம்மன் கோயில்கள் அந்தந்தப் பகுதிகளுக்கே உரிய சிறப்புகளுடன் திகழ்கின்றன.

அதுபோன்று, இயற்கை சூழ்நிலையில் அமைந்த ஒரு மாரியம்மன் கோயில் இருக்கண்குடி என்ற சிற்றூரில் அமைந்துள்ளது. விருதுநகர் மாவட்டம் இருக்கண்குடி என்ற இடத்தில் உள்ள இக்கோயில், சிறியதாக இருந்தாலும் பெரும் புகழ் பெற்று விளங்கி வருகிறது.

திருச்சி, மதுரை, விருதுநகர் வழியாக சாத்தூரிலிருந்து நேர் கிழக்கே அருப்புக் கோட்டை வழியே திருச்செந்தூர் செல்லும் நெடுஞ்சாலையில் 8 கி.மீ. தொலைவில் அமைந்துள்ளது இருக்கண்குடி மாரியம்மன் கோயில்.

தல வரலாறு :

சுமார் நானூறு ஆண்டுகளுக்கு முன் ஒரு நாள் இந்தப்பகுதியில் சாணம் சேகரிப்பதற்காக வந்த ஒரு சிறுமி, தற்போது அம்மன் இருக்கும் இடத்தில் தான் கொண்டுவந்த சாணக் கூடையை வைத்தாள். மீண்டும் அந்தக்கூடையை அவளால் எடுக்க முடியாமல் திண்டாடினாள். கூட்டம் கூடியது. அப்போது அந்தச் சிறுமியின் மீது அம்பாள் அருள் வந்து, தனது திருமேனி சிலை இங்கே புதைந்து கிடக்கின்றது, அதை எடுத்து இந்த இடத்திலேயே நிலைநாட்டி வழிபடுங்கள் என்று வாக்கருளினாள்.

அங்ஙனமே கிராம மக்கள் பூமியைத் தோண்டிப் பார்த்தபோது அங்கு தற்போதுள்ள அம்மன் திருவுருவத்தைக் கண்டெடுத்தனர். அச்சிலையை ஊருக்குள் உள்ள கோயிலில் வைத்து வழிபட்டார்கள்.

மூன்று தினங்களில் மீண்டும் அச்சிறுமியின் மீது அருள் வந்து, தான் வீற்றிருக்கும் இடத்தில் சேவல் கூவக்கூடாது என்றும், தூய்மையைக் கடைபிடிக்கும் பொருட்டு தனது திருஉருவத்தை பூமியைத் தோண்டி முன்பு எடுத்த இடத்திலேயே மீண்டும் கொண்டு போய் வைத்து வழிபடுங்கள் என்று கூறினாள். இதைத்தொடர்ந்து அம்மனை மீண்டும் ஊருக்குள் இருந்து தற்போது திருக்கோயில் அமைந்து உள்ள இடத்தில் பிரதிட்டை செய்தனர். அதுமுதல் தொடர்ந்து வழிபாடு செய்யப்பட்டு வருகிறது.

மூன்று நாட்கள் ஊருக்குள் இருந்து விட்டு திருக்கோயில் உள்ள இடத்திற்கு மீண்டும் அம்மன் கொண்டுவரப்பட்டதன் ஞாபகார்த்தமாக அம்மனின் உற்சவர் சிலை உருவாக்கப்பட்டு, ஒவ்வொரு ஆடிமாதமும் கடைசி வெள்ளியன்று அந்த சிலை ஊரில் உள்ள கோயிலில் இருந்து எழுந்தருளி, மூலவர் உள்ள இடத்திற்கு வந்து தங்கவைக்கப்படுகிறது. மறுநாள் இங்கிருந்து புறப்பட்டு ஊருக்குள் உள்ள உற்சவர் கோயிலை அடைகிறது. இருக்கண்குடி கோயிலுக்கு தமிழகமெங்கும் இருந்து பல்லாயிரக்கணக்கானோர் வந்து அம்மனை தரிசித்து அருள் பெற்று செல்கின்றனர்.

தல அமைப்பு :

கருவறையின் நுழைவாசலின் உயரம் குறைவாக இருப்பதால் குனிந்து உள்ளே போக வேண்டியதிருக்கிறது. அம்மன் பொண் ஆபரணங்கள் அணிந்து தங்க மேனி உடையவளாக மின்னுகிறாள். அம்மனின் கருணை விழிகளைக் கண்டாலே மெய் சிலிர்க்கிறது.

பிரகாரத்தைச் சுற்றி காத்தவராயன், பைரவன், வீரபத்திரர், பேச்சியம்மன், முப்பிடாரி அம்மன் ஆகிய சிறிய சன்னதிகள் இருக்கின்றன. இங்கு வந்து பிரார்த்தனை செய்யும் பக்தர்களுக்கு அவர்களின் கோரிக்கைகள் அனiத்தும் நிறைவேறுகின்றன.

தலச் சிறப்பு :

குறை நிவர்த்தி வேண்டி திருக்கோயிலில் தங்கி வயனம் காக்கும் பார்வையேற்றோர்க்கு பார்வையளித்தும், தீராத நோய்களைத் தீர்த்து வைத்தும், குழந்தை இல்லாத தம்பதிகளுக்கு குழந்தை வரம் அளித்தும், திருமண பாக்கியம் வேண்டியோருக்கு மாங்கல்ய வரம் அளித்தும் அருளாட்சி செய்யும் அம்மனை தரிசித்தால் நிச்சயம் அருள் புரிகிறாள் என்பது பக்தர்களின் நம்பிக்கை.

தீர்த்தங்கள் :

வைப்பாறு, அர்ச்சுனா ஆறு

திருவிழாக்கள் :

இடுக்கண் களையும் இருக்கண்குடியாளுக்கு ஆடி கடைசி வெள்ளியன்று நடைபெறும் பெருந்திருவிழாவை முன்னிட்டு, அதற்கு முந்தைய வெள்ளியன்று கொடியேற்றம் நடைபெற்று, ஆடி கடைசி வெள்ளி அன்று உற்சவர் கோயிலில் இருந்து அன்னையின் திருமேனி இடப வாகனத்தில் எழுந்தருளி, அர்ச்சுனா நதியில் உலாவி திருக்கோயிலில் எழுந்தருள்வாள். இந்த விழாவில் சுற்றுவட்டார மாவட்டங்களில் இருந்து மட்டுமல்லாது, மாநிலம் முழுவதும் இருந்து லட்சக்கணக்கில் பக்தர்கள் இருக்கண்குடியில் கூடி அம்மனை தரிசித்து அருள் பெறுகிறார்கள்.

தை கடைசி வெள்ளியிலும், பங்குனி கடைசி வெள்ளியிலும் பெருந்திரளான மக்கள் அம்மன் அருள் பெறக் கூடுவது கண்கொள்ளாக் காட்சி ஆகும். விழாக்காலங்களில் அம்மன் அருள் பெற அர்ச்சுனா நதியிலும், வைப்பாறு நதியிலும் கூடும் மக்கள் வெள்ளம் வண்டிகளிலும் பிற வாகனங்களிலும் வந்து நேர்த்திக்கடனைச் செலுத்துவது மெய்சிலிர்க்க வைக்கும் நிகழ்ச்சியாகும்.

அம்மனுக்கு அக்கினிச்சட்டியும், ஆயிரங்கண்பானையும், உருவம் எடுத்தல், போன்ற நேர்த்திக் கடன்களை செலுத்தி இருக்கண்குடி அம்மனின் அருளைப் பெற்று, பக்தர்கள் வாயாற வேண்டிச் சென்று வாழ்க்கையில் வளம் பெறுவது இத்திருக்கோயிலின் தனிச்சிறப்பாகும்.

கண் நோய் தீர்ப்பாள், கருவளம் தருவாள்… இருக்கன்குடி மாரியம்மன்!

விருதுநகர் மாவட்டம் இருக்கன்குடியில் கங்கைக்கு நிகராகச் சொல்லப்படும் அர்ச்சுனா, வைப்பாறு என்னும் இரண்டு ஆறுகளுக்கு இடையில் கோயில் கொண்டுள்ளாள் இருக்கன்குடி மாரியம்மன். இந்த இரண்டு ஆறுகளிலும் நீராடி, அம்மனை தரிசித்து வழிபடுவதால், நம் அனைத்து வினைகளும் தீர்ந்து, மகிழ்ச்சியான வாழ்க்கையைப் பெறலாம் என்பது பக்தர்களின் நம்பிக்கை.

மாரியம்மன் கோயிலுக்கு வடக்கே ஓடும் அர்ச்சுனா நதியானது வத்திராயிருப்பு என்னும் இடத்தில் உள்ள மகாலிங்க மலையில் உற்பத்தியாகிறது. இந்த அர்ச்சுனா நதி பற்றி ஓர் இதிகாச வரலாறு சொல்லப்படுகிறது.

 

மகாபாரதக் காலத்தில் வனவாசம் சென்ற பஞ்சபாண்டவர்கள், காடுமேடெல்லாம் கடந்து வந்து, மகாலிங்க மலையடிவாரத்துக்கு வந்து சேர்ந்தனர். நடந்த களைப்பு நீங்க நீராட விரும்பினார்கள். ஆனால், நீராடுவதற்கு அங்கே அருவியோ அல்லது நதியோ இல்லை. எனவே அர்ச்சுனன் பூமி தேவியையும், கங்கையையும் வணங்கி, தன் அம்பால் பூமியைப் பிளந்தான். அந்தப் பிளவில் இருந்து தோன்றியதே அர்ச்சுனா ஆறு.

மாரியம்மன் கோயிலுக்கு வடக்கே ஓடும் அர்ச்சுனா ஆற்றின் வரலாறு இதுவென்றால், கோயிலுக்குத் தெற்கில் ஓடும் வைப்பாறுக்கும் ஒரு கதை உண்டு.

ராவணனை சம்ஹாரம் செய்வதற்காக தன் பரிவாரங்களுடன் மேற்குத் தொடர்ச்சி மலைக்கு வந்து சேர்ந்தார் ராமர். நடந்த களைப்பு தீர நீராட விரும்பினார். ஆனால், நதியோ அருவியோ இல்லை என்பதால் என்ன செய்யலாம் என்று சிந்தித்தார். அப்போது அவருடன் வந்த ஒருவன், அகத்திய முனிவர் உலகத்து புண்ணிய தீர்த்தங்களை எல்லாம் ஒரு குடத்தில் அடைத்து, அந்த இடத்தில் புதைத்து வைத்திருப்பதாகக் கூறினான். அதைக் கேட்ட ராமபிரான், குடம் புதைக்கப்பட்ட இடத்தைத் தன் அம்பால் துளைத்தார். உடனே புதைத்து வைத்திருந்த குடத்தில் இருந்து ஓர் ஆறு தோன்றியது. வைப்பு என்றால் புதையல், புதைத்து வைத்தல் என்று பொருள். புதையலில் இருந்து தோன்றியதால், அந்த ஆறு வைப்பாறு என்னும் பெயரினைப் பெற்றது. இந்த வைப்பாறு இருக்கன்குடியில் அர்ச்சுனா நதியுடன் கலக்கிறது.

திரேதாயுகத்தில் ராமபிரானாலும், துவாபரயுகத்தில் அர்ஜுனனாலும் தோற்றுவிக்கப்பட்ட இரண்டு ஆறுகளும் இரண்டு கங்கைகளுக்கு நிகராகச் சொல்லப்பட்டு, அதன் காரணமாக ஊருக்கு இரு கங்கைக்குடி என்ற பெயர் ஏற்பட்டதாகவும், அந்தப் பெயரே மருவி தற்போது இருக்கன்குடி என்று அழைக்கப்படுவதாகவும் சொல்லப்படுகிறது.

இதிகாசப் பெருமை கொண்ட இந்தத் தலத்தில் அம்மன் கோயில் கொண்டதன் பின்னணியில் சித்தர் ஒருவரின் தவம் அமைந்திருக்கிறது. மதுரைக்கு அருகில் உள்ள சதுரகிரி என்னும் மலையில் சித்தர் ஒருவர் அம்பிகையை தரிசிக்க விரும்பித் தவம் இருந்தார். அப்போது அம்பிகை அசரீரியாக அர்ச்சுனா நதி மற்றும் வைப்பாற்றுக்கு நடுவில் இருக்கும் மேட்டுப் பகுதிக்கு வரும்படி அருள்மொழி கூறினாள். அதன்படியே இப்பகுதிக்கு வந்த சித்தருக்கு அம்பிகை தரிசனம் தந்தாள். தனக்கு அம்பிகை தரிசனம் தந்த கோலத்திலேயே ஒரு விக்கிரகம் வடித்து பிரதிஷ்டை செய்து வழிபட்டார். பிற்காலத்தில் அம்மனின் சிலை ஆற்று மண்ணில் புதைந்து போனது. பிற்காலத்தில் பசுமாட்டின் சாணம் சேகரிக்கும் ஒரு சிறுமியின் மூலம் அம்மன் வெளிப்பட்டு, கலியின் துன்பங்கள் தீர கோயில் கொண்டாள் மாரியம்மன்.

மாரியம்மன் இங்கே சிவ அம்சமாகத் திகழ்வதால், அம்மன் சந்நிதிக்கு எதிரில் நந்தி இருக்கிறது. இப்போது கோயில் இருக்கும் இடத்துக்குச் சற்றுத் தொலைவில் அம்பாள் சிறுமிக்குக் காட்சி கொடுத்த இடத்தில் ஆதி அம்பாள் சந்நிதி உள்ளது. இங்கே அம்மனின் திருவுருவத்துக்கு பதில், அம்பிகையின் திருவடிவம் பொறித்த சூலம் மட்டும் வைக்கப்பட்டுள்ளது. உற்சவ அம்மன் ஊருக்குள் இருக்கிறது. ஆடி வெள்ளிக்கிழமைகளில் மட்டுமே உற்சவ அம்மன் பிரதான கோயிலுக்கு எழுந்தருளுகிறாள்.

இங்கே அம்மன் வலக் காலை மடித்து, இடக் காலை தொங்கவிட்டபடி சுகாசன திருக்கோலத்தில் காட்சி தருவது மிகவும் விசேஷமாகும்

பிரார்த்தனைச் சிறப்புகள்:

குழந்தை இல்லாதவர்கள் இந்த அம்மனின் சந்நிதிக்கு வந்து கரும்புத் தொட்டில் கட்டுவதாக வேண்டிக் கொள்கின்றனர். குழந்தை பிறந்ததும் கரும்பில் தொட்டில் செய்து, அதில் குழந்தையைப் படுக்க வைத்து அம்மனின் சந்நிதியை வலம் வருகின்றனர். செவ்வாய், வெள்ளி, ஞாயிறுகளில் அக்னிச் சட்டி எடுத்தல், அங்கபிரதட்சிணம் செய்தல் போன்ற வேண்டுதல்களை நிறைவேற்றுகின்றனர்.

கண்கள் தொடர்பான நோய் உள்ளவர்கள் இங்கு வந்து அம்மனின் அபிஷேக தீர்த்தத்தை கண்ணில் விட்டுக்கொள்ள, நோயில் இருந்து நிவாரணம் கிடைப்பதாக பக்தர்கள் நம்பிக்கையுடன் கூறுகின்றனர்.

கோயில் பிராகாரத்தில் வடக்கு வாசல் செல்வி, வெயிலுகந்த அம்மன், வீரபத்திரர், பைரவர், காத்தவராயர், பேச்சியம்மன், முப்பிடாதி அம்மன் ஆகியோரையும் தரிசிக்கலாம்.

கோயில் காலை 6 மணி முதல் 1 மணி வரையிலும், மாலை 4 முதல் இரவு 8 வரையிலும் திறந்திருக்கும். செவ்வாய், வெள்ளி, ஞாயிறு ஆகிய தினங்களில் காலை 5.30 முதல் இரவு 8.30 வரை தொடர்ந்து திறந்திருக்கும்.

இருப்பைக்குடி என்ற இருக்கண்குடியின் வரலாறு

// இருப்பைக்குடி என்ற இருக்கண்குடியின் வரலாறு//

இருக்கண்குடி சாத்தூருக்குக் கிழக்கில் அர்ச்சுனா நதிக்கரையில் அமைந்துள்ளது. இரு கங்கைக்குடி என்பதே நாளடைவில் இருக்கண்குடி யாயிற்று என்பர். புகழ்பெற்ற மாரியம்மன் கோயில் முன்னர் அர்ச்சுனாநதியும், வைப்பாறு இணைவதால் இவ்வூருக்கு இப்பெயர் ஏற்பட்டது. ஆனால் இவ்வூர்க் கல்வெட்டுகளில் ‘இருப்பைக்குடி’ என்றே குறிப்பிடப்படுகின்றது. இருநதிகளுக்கும் இடையில் இது அமைந்துள்ளதால் இப்பெயர் ஏற்பட்டது. ‘பை’ என்பது நீரோட்டத்தைக் குறிக்கும். ‘இருப்பை’ என்பது இரு நதிகளைக் குறித்து வந்த பெயர் என்று அறிய முடிகின்றது.

நென்மேனியிலுள்ள ஒரு கல்வெட்டு, இவ்வூரை ‘இலுப்பைக்குடி’ என்று குறிக்கிறது. இலுப்பை மரங்கள் அதிகம் காணப்பட்டதால் இப்பெயர் பெற்றது. இலுப்பைக்குடியே நாளடைவில் இருப்பைக்குடி ஆயிற்று எனலாம்.
இருக்கண்குடி ஊரின் பழமை 10,000 ஆண்டுகளுக்கு முந்தையது என்பதை இவ்வூரில் கிடைத்துள்ள நுண்கற் கருவிகளால் அறிய முடிகின்றது. இம்மத்திய கற்காலப் பண்பாட்டைத் தொடர்ந்து பெருங்கற்காலப் பண்பாடு நிலவியது என்பதை இவ்வூரில் கிடைத்த கருப்பு, சிவப்பு பானை ஓடுகளும் முதுமக்கட்டாழிகளின் உடைந்த வாய்ப்பகுதி மற்றும் ஓடுகளின் மூலம் அறியலாம்.

அத்துடன் சங்ககாலத்துக் கல்மணிகளும் இருக்கண்குடி ஊரிலுள்ள கைலாசநாதர் கோயில் அருகிலுள்ள சிறிய குன்றுப் பகுதியில் சேகரிக்கப்பட்டன. மேலும் ரோமானியர்களோடு வணிகத் தொடர்பு கொண்டிருந்ததை அவர்கள் பயன்படுத்திய பானைகளின் ஓடுகள் இங்கு கிடைத்துள்ளமை கொண்டு அறிய முடிகின்றது.

இருக்கண்குடி ஊரில் வரலாற்றுச் சிறப்புடைய சிவன் கோயில் ஒன்றுள்ளது. அது தற்போது சைலாச நாதர் கோயில் என்றழைக்கப்படுகிறது. முற்காலப் பாண்டியர் காலத்தில் இக்கோயில் கட்டப்பட்டது என்பதற்கான கல்வெட்டுச் சான்றுகள் இருந்த போதிலும், கட்டடக்கலை அமைப்பு மிகப் பிற்காலத்தியதாகத் தெரிகிறது. நென்மேனிக் கல்வெட்டொன்று இக்கைலாசநாதர் கோயிலை ‘நக்கன் கோயில்’ என்று குறிப்பிடுகின்றது. கோயிலின் உட்புறத்தில் முற்கால மற்றும் பிற்காலப் பாண்டியர் காலத்தைச் சேர்ந்த செப்புத் திருமேனிகள் காணப்படுவதையும் கொண்டு இக்கோயிலின் பழமையை ஒருவாறு அறியலாம்.

ஸ்ரீமாறன் ஸ்ரீவல்லபன் காலத்தில் சாத்தூப் பகுதியிலிருந்து ‘இருஞ்சோநாட்டை’ ஆண்ட ‘எட்டிச்சாத்தன்;’ என்பவன் இருப்பைக் குடியில் ஒரு சமணப்பள்ளி ஒன்றை எடுப்பித்துள்ளான் என்று ஒரு கல்வொட்டு கூறுகின்றது. இக்கல்வெட்டின் வாயிலாக இருக்கண்குடியில் சமணப்பள்ளி இருந்ததையும், 1200 ஆண்டுகளாக வளம் பொருந்திய நகராக இருந்ததையும் அறிய முடிகின்றது.

சடையன் மாறனுடைய 16ஆம் ஆட்சியாண்டுக் கல்வெட்டு ‘இருப்பைக்குடி கிழவன்’ என்பவன் இவ்வூரிலுள்ள குளத்தைத் தூர்வாரி இடிந்து போன பழைய கரைகளை கருங்கல்லால் கட்டி வலுப்படுத்தினான் என்றும் பின்னர் இக்குளம் அவனது பெயராலேயே ‘கிழவனேரி’ என்றழைக்கப்பட்டது என்றும் கீழ்க்காணும் பாடல் கல்வெட்டால் தெரியவருகிறது.

“கொங்கர் மலர்க்கடம்பு சூட்டாதி கொல்வளையை
எங்கோன் இருப்பைக் குடிக்கிழவன் – பொங்கார்ந்த
தொட்டார் கரும்பிரைக்கும் தென்னீர் வயலிருஞ்சோழ
நாட்டான்றார் சூட்டுதீரென்று”

இதே இருப்பைக்குடிக் கிழவன் என்ற இவ்வதிகாரி திருச்செந்தூர் வரகுணன் கல்வெட்டிலும் குறிப்பிடப்படுகின்றான். வரகுணன் 1400 பொற்காசுகளை திருச்செந்தூர் சுப்பிரமணியர் ஆண்டுத் தேவைக்காக வழங்க ஆணையிட்டான். இத்தானத்தை வழங்கிய மூன்று அதிகாரிகளுள் ஒருவனாக இவன் குறிப்பிடப்படுகின்றான்.

இதே போன்று ஸ்ரீவல்லபனின் 18ஆம் ஆட்சியாண்டுக் கல்வெட்டொன்றிலும், இருப்பைக்குடிக் கிழவனின் புகழ் விவரித்துக் கூறப்பட்டு உள்ளது. இம்மன்னன் பகைவர்களை குன்னூரிலிருந்து சிங்களம் வரை படை செலுத்தி வெற்றி கண்டுள்ளான். அம்மன்னனே, எட்டிசாத்தன் என்ற இவ்வதிகாரிக்கு இருப்பைக்குடிக்கிழவன் என்னும் சிறப்புப் பெயரினைச் சூட்டினான். இவ்வதிகாரி தன்னுடைய நிருவாகக் காலகட்டத்தில் இருஞ்சோழநாட்டில் பல கோயில்களையும் அம்பலங்களையும் கட்டியுள்ளான். மக்களுக்கு நலம்பயக்கும் பல திட்டங்களை உருவாக்கி மனமகிழ்வு எய்தியிருக்கின்றான். இதனை

“…………………………………
இருஞ்சோழ நன்னாட்டு ளெத்தனையும்
திருத்துவித்தோனிருப்பைக்குடி
கிழவனென
நிலவித்தன்பியர் நிற்பச் சொல்மிக்க
பெரும்புகழொடு மதியமும்
ஞாயிறும் போலப் பதிதோறும்
விளங்குக பாரின் மேலே” – என்று
அக்கல்வெட்டு கூறுகின்றது.

சாத்தூர் குளக்கரைக் கல்வெட்டிலும் இருப்பைக்குடிக் கிழவனின் பணி குறிப்பிடப்பட்டுள்ளது.

இதுபோன்ற வரலாற்றுச் சிறப்புடைய இருக்கண்குடி ஊரில் தற்போது ‘மாரியம்மன் கோயில்’ புகழ் பெற்று விளங்குகின்றது. இக்கோயில் தற்போது வழிபாடு செய்கின்றவர்களின் குடும்பத்தார்களால் 260 ஆண்டுகளுக்கு முன்னர் தோற்றுவிக்கப்பட்டதாகக் கூறுகின்றனர். ஆடி மாதத்திலும், தை மாதத்திலும் சிறப்புடைத் திருவிழாக்கள் இங்கு நடைபெறுகின்றன.

இருக்கண்குடி மாரியம்மன் கோயில் இங்கு ஏற்பட்டதற்கான கதை ஒன்று வழிவழியாகக் கூறப்பட்டு வருகின்றது. ‘பூசாரியின் மகள்’ ஒருத்தி சாணம் பொருக்கிச் சேகரித்து வரும் போது அக்கூடையை ஓரிடத்தில் வைத்திருக்கின்றாள். பின்னர் மீண்டும் அக்கூடையை அங்கிருந்து எடுக்க முடியாமல் போயிற்று. அவ்விடத்திலேயே மாரியம்மனுக்குக் கோயில் எடுக்கப்பட வேண்டும் என்று அப்பெண்ணுக்கு அசரீரி கேட்க அதே போல் இக்கோயில் கட்டப்பட்டதாகக் கூறுகின்றனர்.

நன்றி:-
#சுந்தரபாண்டியன்..

தெக்குப்பட்டி அருள்மிகு ஸ்ரீபுதியவராஜா திருக்கோவில் புண்ணிய ஸ்தல வரலாறு இருக்கண்குடி

தெக்குப்பட்டி அருள்மிகு ஸ்ரீபுதியவராஜா திருக்கோவில்
புண்ணிய ஸ்தல வரலாறு
இருக்கண்குடி

 

ஓம் சுக்லாம் பரதரம் விஷ்ணம் சசிவர்ணம் சதர்புஷம் பிரசண்ணவதணம்
தியாகே விக்ணோப சாந்தி

ஓம் நம சிவாய
ஸெளராஷ்ட்ரே ஸோமநாதஞ் ஸ்ரீசைலே மல்லிகார்ஜீனம்
ஊஜ்ஜய்ன்யாம் மகாகாளம் ஓங்காரம் அமலேஷ்வரம்
பரல்யாம் வைத்தியநதஞ்ச டாகின்யாம் பீமசங்கரம்
ஸேதுபந்தேது ராமேஷம் நாகேஷம் தாருகாவனே
வாரணாஷ்யம்து விஷ்கேவஷம் த்ரயம்பகம் கெளதமிதடே
இமாலயேது கேதாரம் குஷ்ணேஷம் சிவாலயே

 

ஆய்வாளர் : பெ.மாரிச்செல்வம் இ.க.தமிழ்

தகவல்
1.பெ.பழனிமுருகராஜா
2.ஜெ.குருசாமி
3.வ.இருளப்பராஜா
4.க.மாரிமுத்து

ஊரும் சிறப்பும்

விருதுநகர் மாவட்டம் சாத்தூர் வட்டத்தில் அமைந்துள்ள ஒரு கிராமம் இருக்கண்குடி. இந்த ஊர் பல சிறப்புகளைக் கொண்டுள்ளது, அதில் ஒன்று, மாரியம்மன் இவ்வூரில் குடி கொண்டு இருப்பது. அதனால் மக்கள் அனைவரும் இருக்கண்குடி மாரியம்மன் கோயில் என்று தான் அழைக்கின்றனர். கோயில் வழிபாட்டுத் தலங்களில் இது சிறப்பு மிக்க ஊராகத் திகழ்கிறது.

கோயில் அமைப்பு

இருக்கண்குடியில் பாயக் கூடிய நதிகளான வடக்கே அர்ச்சுனா நதியும், தெற்க்கே வைப்பறு நதியும் அமைந்துள்ளன. இந்த இரண்டு நதிகளும் ஒன்று சேரும் இடத்தில் இருந்து சுமார் 200 மீட்டர் தொலைவில் இக்கோயில் ஆற்றுக்கு அருகில் அமைந்துள்ளது. இக்கோயில் 40 அடி நீளமும், 20 அடி அகலமும் கொண்டு செவ்வக வடிவில் வேப்பமரம், பனைமரம், பெரிய இச்சி மரங்களைக் கொண்டதாக அமைந்துள்ளது.

அர்ச்சுனா நதி பெயர்க்காரணம்

இக்கோயிலின் வடக்கே தவழக் கூடிய அர்ச்சுனா நதி மேற்குத் தொடர்ச்சி மலை அமைந்துள்ள வத்திராயிருப்புப் பகுதியில் உற்பத்தியாகிறது.

” முன் காலத்தில் பஞ்ச பாண்டவர்கள் கடுகளில் திரிந்து கொண்டு இம்மலையடிவாரத்திற்க்கு வந்த போது நீராடுவதற்கு இடம் இல்லாமையால் அர்ச்சுனன் கங்கையை வணங்கி வருணக் கருணையால் பூமியைப் பிளந்தான். அப்பிளவிலிருந்து தோன்றி பெறுக்கெடுத்த இவ்வாற்றில் பஞ்ச பாண்டவர்கள் திரெளபதியுடன் நீராடி மகிழ்ந்தனர். இவ்வாறு தோன்றிய ஆறே அர்ச்சுனன் ஆறு என்று பெயர் பெறுவதாயிற்று”

வைப்பறு பெயர்க் காரணம்

தெற்கே தவழக் கூடிய வைப்பாறு, பொதியமலையின் அடிவாரத்தில் சிவசைலத்துக்கு வடபுறம் சம்புகன் என்ற வேடன் தீயின் நடுவிலிருந்து கடுந்தவம் புரிந்தான். அதனால் அயோத்தியில் பிராமணப் பிள்ளை ஒருவன் இறந்து போனான். இப்போது அயோத்தி மன்னனாக இருத்த இராமன் சேனைகள் படைசூழ வந்து சம்புகளைக் கொன்ற பாவத்தால் பிடிக்கப் பெற்ற இராமன், பாவ விமோசனத்திற்காக சிவமலையில் சிவபெறுமானை நிலை நிறுத்தி வணங்கி தவம் செய்து பாவ விமோசனம் பெற்றான். அதன் பின் இராமன் தன் பரிவாரத்துடன் புளியவனமாக இருந்த புளியங்குடி வாசுதேவ நல்லூர்களுக்கு இடையே உள்ள மேற்குத் தொடர்ச்சி மலையினை வந்து அடைத்தான். உடனிருந்த சாம்பவன் அவ்விடத்திலுள்ள புண்ணியத் தீர்த்தங்கள் கலந்த நீக்குடத்தை அகத்திய மாமுனிவர் புதைத்து வைத்திருக்கும் விபரத்தை கூறி அம்பெய்து அக்குடத்தை உடைக்க ஆறு தோன்றியது. புதையிலிருந்து ஆறு தோன்றியதால் அது வைப்பாறு என்று பெயர் பெற்றது. இவ் ஆறு கிரிவலம் வந்த நல்லூர், சாத்தூர், கொல்லபட்டி வழியாகப் பாய்ந்து இருக்கண்குடியை வந்து அடந்து அர்ச்சுனா நதியுடன் கலந்து முத்துலாபுரம் விளாத்திகுளம் வழியாகச் சென்று கடலில் கலக்கின்றது. இது புண்ணியத் தீர்த்தங்களில் ஒன்று.

கோயில் வரலாறு

தக்கா புக்கா என்ற இருளப்பன் எருக்களங்குடி ஊர்த் தலைவராக இருந்தார். ஊர் மிகவும் பசுமையாக இருந்தது. அதனால் ஆடு, மாடுகளை வளர்க்கக் கூடிய பக்கத்து ஊர் மக்கள், மேய்ச்சலைத் தேடி எருக்களங்குடியை நோக்கி வந்தனர்.

சில நாட்கள் கழித்து தக்கா புக்கா அவர்களுக்கு 21 பந்தி 61 சேனைகளைக் கொண்ட தெய்வத்தை நீ வழிபட்டால் உனக்கு, சகல பாக்கியங்கள் கிடைக்கும் என்று அசரீயை ஒலித்தது. அந்த அசரீயை கூறிய கோயிலானது சாத்துரில் இருந்து கோவில்பட்டி செல்லும் வழியில் சிவலிங்கபுரம் என்ற மீனாட்சிபுரத்தில் அமைந்து இருந்தது, இவர் அங்கு சென்று வழிபாடு செய்யும் வழக்கத்தைக் கொண்டு இருந்தார். பின்னர் தன்னால் இவ்வளவு தூரம்
சென்று வர இயலாது எண்று நினைத்து அங்கிருந்து பிடிமண் எடுத்து வந்து எருக்களங்குடியில் வைத்து புதியவரஜாவை வனங்கினார். அதன் வாயிலாக எருக்களங்குடி ஊர் மக்கள் மகிழ்ச்சியாக வாழ்ந்து வந்தனர். அன்ற்றைய காலகாட்டதில் அவை பேசக் கூடிய தெய்வமாக இருந்தது.பின்னர் நடக்கக் கூடிய தீமைகழளை மக்களிடம் கூறி மக்களைக் காத்து வந்தனர். புதியவராஜா கோவிலுகும், மாரியம்மன் கோயிலுக்கும் இடையே தெய்வ தொடர்புகள் இருப்பதாகக் கருதுகின்றனர். ஏனென்றால் இக்கோயில் அமைந்த பின்னர் தான் மாரியம்மன் மண்ணில் புதைந்து இருக்கும் செய்தி தக்கா புக்கா , மகள் வள்ளி என்பவள் மூலம் அரியலாகிறது. வள்ளி சாணங்க்ளைப் பொருக்குவதர்காக தன்னுடய கூடையை எடுத்துக் கொண்டு ஆறுகள் இரண்டும் ஒன்று சேரும் இடத்திற்கு வந்து தன் குடையயை ஒர் இடத்தில் வைத்துவிட்டு சாணத்தைப் பொறுக்கிப் போட்டாள். அவள் கூடையை மட்டும் யாராலும் தூக்க முடியவில்லை. அப்போது வள்ளியின் மீதுன மாரியம்மன் இறங்கி ஆடி, என் பெயர் மாரியம்மன் என்றும் இந்த மண்ணுள் புதைந்து இருபதாகவும் தன்னை வணங்கினால் உயிர்களைக் காப்பேன் என்றும் உறுதி அளித்தாள். வள்ளி கொஞச்ம் மனநலம் பாதிக்கப்பட்டவள் என்பதால் அவளை மாரியம்மன் தனக்குரிய பலியாக ஏற்றுக் கொண்டாள் எனக் கூறுகிறார் தகவலளி.

(க.மாரிமுத்து ஆண், வயது 45, 05.01.2014 )

புதியவரஜா கோயில் முதலில் பெரிகொல்லப்பட்டி என்ற ஊரில் இருந்தது. இருக்கங்குடியை சேர்ந்த மக்கள் சிலர் அங்கு சென்று சாமியை வணங்குவதை வ ழகமாகக் கொண்டு இருந்தனர். அந்த ஊரில் பலர் இருப்பதைச் சேர்ந்த மக்கள் வாழ்ந்து வந்தனர். இக்கோயிலில் பூசை செய்யக் கூடியவர்கள் தேவேந்திர குலத்தை சேர்ந்தவர்கள் தான். அவர்கள் மீதுதான் சாமி இறங்கி ஆடும் அன்றய காலகட்டதில் ஆதிக்க சாமியினர் என்று சொல்லக்குடிய மணியாறு என்ற வகயைச் சார்ந்த தேவர் இனத்தைச் சேர்ந்தவர்கள், “தேவேந்திரகுலத்தைச் சேர்ந்தவர்கள் பூசை வைத்து நாம் சாமி கும்பிடவா”! என்று நினைத்து கொயிலில் கலவரத்தை உண்டு பண்ணினர். அதனால் அங்கிருந்து இருக்கங்குடியைச் சேர்ந்த தேவேந்திர குல மக்கள் பிடிமன் எடுத்து வந்து இருக்கங்குடியில் வைத்து வணங்க ஆரம்பித்தனர் என்று கூருகிறார் தகவலளி.

(மா.வடிவேல், ஆண், வயது 58, 04.02.2014)

ஊர்ப் பெயர்க் கரணம்

இருக்கங்குடி அன்றைய காலகட்டத்தில் எருக்களங்குடி என்று தான் அழைக்கப்பட்டது. ஏனென்றல் எருக்களஞ்செடிகள் அதிகமாக இருந்த காரணத்தால் அவ்வாறு அழைக்கப்பட்டது. ஆனால் சிலர் இருகங்கை இருப்பதால் இவ்விடம் இருகங்கைக்குடி என்று அழைக்கப்பட்டதாகக் கூறப்படுகின்றனர்.
எருக்களங்குடி மக்கள், மாரியம்மனை பூமியில் இருந்து எடுத்து சிலையை வெட்ட வெளியில் வைத்து வணங்கி வந்தனர். இந்த மாரியம்மனின் அருள் பல மக்களுக்குக் கிடைத்தது. இதனை அறிந்த ராணி மங்கம்மாள் மாரியம்மன் கோயிலை மண்ணால் கட்டிக் கொடுத்தாள். இக்கோயிலைக் கண்டு பிடித்தவர் யார்? என்று கேட்ட போது அங்கிருந்த மக்கள் தக்கா புக்கா என்ற இருளப்பன் என்று கூறினர். ரானி மங்கம்மாள் அவரை அழைத்து செம்புப் பட்டயம் ஒன்றை வழங்கினாள். அதில் தக்கா புக்கா இருளப்பன் மற்றும் அவர்களுடைய பங்காளிகளுக்கும், இருக்கன்குடி மக்களுக்கும் இக்க்கோயில் பாதியப்பட்டது என்று எழுதி இருந்தது. அப்போது ராணி மங்கம்மாள், எருக்களங்குடி என்று அழைக்கப்பட்ட ஊரை, இருக்கங்குடி என்று வழங்கி சிறப்பித்தார். இவை காலப் போக்கில் மருவி இருக்கங்குடி என பெயர் பெற்று இன்று வரை அப்பெயரில் வழங்கப்பட்டு வருகின்றது.

இலுப்பை மரங்கள் அதிகமாக இருந்த கரணத்தால் இருக்கன்குடி எனவும் இப்பெயர் வழங்கி இருக்கலாம் எங்கிறார் தகவலளி.

(க.மாரிமுத்து, ஆண், வயது 45, 07.11.2013)

 

புதியவரஜா

இக்கோயில் ஏழு ராஜா தெய்வங்கள் உள்ளன. அவற்றில் இவர் தான் மூத்தராஜா. இவருக்கு அடுத்த படியாக இருப்பவர்கள் இவரது தம்பிகள் ஆவார். இந்த ஏழு ராஜாக்களில் மூத்த ராஜாவான புதியவராஜாவின் சிறப்புகள் ஆவார். இந்த ஏழு ராஜாக்களில் மூத்த ராஜாவான புதியவராஜாவின் சிறப்புக்களை மட்டும் தகவலாளி கூறுகின்றார். ஏன் என்று கேட்கும் போது அந்த ராஜாக்கள் பற்றி என் முன்னோர்கள் எனக்குக் கூறவில்லை என்கிறார்.

 

புதியவராஜா என்பவர் அனைத்து தெய்வங்களும் ராஜாவாக இருக்கின்றார். இவர் ஒரு சைவசாமி என்பதால் இவர் மிகவும் சுத்தமான இடத்தில் மட்டுமே இருப்பார். கிழக்கு திசையைப் பார்த்தவாறு அமர்த்து இருக்கிறார். அசுத்தமான இடங்களில் இவர் இருப்பதில்லை. இவரின் காவல் தெய்வங்களான செங்காட்டு இருளப்பசாமி, பொன்மாடசாமி, நொண்டி மாடசாமி, வைரவன் மற்றும் அக்னி இருளப்பசாமி அனைவரும் காவு வாங்கச் செல்லும் போது புதியவராஜா இவர்களுக்குத் திருநீறு பூசிவிடுவார். ஏனென்றால் இவர்கள் காவு வாங்கும் போது கெட்ட ஆவிகள் மற்றும் முனியசாமி இவர்களைத் தடுத்து நிறுத்தக்கூடும். அதனால் புதியவராஜா திருநீறு பூசினால் அவர்கள் கட்டுப்படுவார்கள். பூசைப்பானையைக் கொண்டு வந்து விட்டால் புதியவராஜாவிற்க்குச் சக்திகள் அதிகமாகும். அதன் காரணமாகத்தான் தீயசக்திகள் இவ் வேலையைச் செய்கின்றன எனத் தகவலாளி கூறுகிறார்.

(ஜெ. குருசாமி, ஆண், வயது 40,10.02.2014)

 

பெருமாள்சாமி

இவர் கிழக்கு நோக்கி அமர்ந்து இருப்பார். இவர் ஒரு பெருந்தெய்வம். இவர் இருந்தால் தான் புதியவராஜா கோயில் கொடையானது எந்த ஒரு தடங்களும் இல்லாமல் நடைபெறும். இவர் ஒரு பெருந்தெய்வம் என்பதால் இவருக்கு அனைத்து தெய்வங்களும் கட்டுப்படும். ஏன்? இவ்வுலகத்தை ஆட்டிப் படைக்கும் ஈசனாகிய முனியனே கட்டுப்படுவார். பொன் மாடசாமி, பெருமாள்சாமி இவர்கள் இருவரும் சேர்ந்து இந்த ஊரைக் காப்பாற்றுவோம் என உறுதி மொழி எடுத்துக் கொண்டதன் வாயிலாக இன்று புதியவராஜா சன்னதியில் பெருமாள்சாமி நிலை கொண்டுள்ளார்.
(கு. புஷ்பலதா, பெண் வயது 35, 20.2.2014)

 

செங்காட்டு இருளப்பசாமி

இவர் இருக்கண்குடி வட்டாரத்தில் மிகவும் பிரசித்தி பெற்ற ஒரு காவல் தெய்வமாக விளங்கி வருகின்றார். இவரை நாடிவரும் மக்களுக்கு கேட்ட வரத்தினை அளிக்கும் வள்ளலாக இருக்கின்றார். இவரிடம் அதிகமானோர் குழந்தை வரம் கேட்டுத்தான் வந்துள்ளனர். அவ்வாறு வந்த அனைத்து பக்தர்களுக்கும் குழந்தை பிறந்துள்ளது. இருளப்பனின் அருளால் பிறந்தமையால் அந்த குழந்தைக்கு ‘இருளப்பசாமி’ என்று பெயர் வைத்துள்ளனர்.

அதை போல அழகான பெண்களை இவர் ஆண்டு கொள்வார். பின்னர் ‘நான்தான் இருளப்பன் என்று கூறி இந்தப்பெண்ணுக்கு நல்ல சுகத்தைக் கொடுப்பேன். எனக்கு நீங்கள் நல்லா கூவக்கூடிய சேவல் ஒன்றும் சாராயமும் கொடுக்க வேண்டும்’. என்று தனக்குத் தேவையான பொருள்களைக் கேட்டு பெற்றுக் கொள்வார்.

குழந்தைகளையோ, பெரியவர்களையோ தீய சக்திகள் மற்றும் கெட்ட ஆவிகள் ஏதேனும் ஒன்று அச்சப்படுத்தி இருந்தால் அவர்கள் இத் தெய்வத்திடம் செல்வார்கள் அங்கு அவர்களுக்குத் திருநீறு போட்டு தனக்கு வேண்டியதைப் பெற்றுக் கொள்வர்.

சின்னத்தம்பி என்பவர் தன்னுடைய காட்டில் வேலை செய்து கொண்டு இருந்தார். அப்போது இடியுடன் கூடிய மழை பெய்தது. இவர் மழைக்கு ஒதுங்குவதர்க்காக அருகில் உள்ள புளிய மரத்தின் கீழ் உட்கார்ந்து இருந்தார். அப்போது அவர் மீது இடி விழுந்து இறந்து போனார். இவரைக் காப்பாற்ற இருளப்பசாமி சென்றார்.

ஆனால் முடியவில்லை அதற்குப் பிறகு சென்னத்தம்பியின் உடலை வீட்டிற்க்கு எடுத்துசென்ற போது அவருடைய வீட்டில் இருளப்பன் தங்கிக் கொண்டார். இதனை அறிந்த சின்னத்தம்ப் வீட்டார்கள் சாமியை அடைத்துக் கொண்டு செல்வதில் வல்லவர்களான பட்டுநூல்செட்டி என்ற இனத்தைச் சேர்ந்தவர்களை அழைத்து வந்து இருளப்பசாமியைப் பச்சக் குடத்தில் (சுடப்படாத மண்பானை) அடைத்து கொண்டு தெருவின் நடுப்பகுதிக்கு வரும் போது ‘ஏய் நான் இருளப்பன், டா, என்னை நீ அடைத்துக் கொண்டு போக முடியுமா?’ என்று கூறினார். அப்போது மண்பானை இரண்டாக பிளந்தது. இருளப்பசாமியும் அங்கேயே நிலை கொண்டார்.

 

 

சுமார் 300 ஆண்டுகளுக்கு முன்னர் சிவகங்கை ஜில்லா கொல்லபட்டி ஜமீன் ஆளுகைக்குட்பட்டது தெக்குப்பட்டி கிராமம். அங்கு அமையப்பெற்றது தான் ஸ்ரீபுதியவராஜா திருக்கோவில். இக்கிராமத்தில் பல இன மக்கள் வாழ்ந்து வந்துள்ளனர். சில குடும்பர்(பள்ளன்) இன மக்களும் வாழ்ந்து வந்துள்ளனர்.

இத்திருக்கோவிலில் 21 தெய்வங்கள் உள்ளன. இவற்றில் 7 தெய்வம் ராஜாவாகவும் 4 தெய்வங்கள் அம்மாவாகவும் 2 தெய்வங்கள் மந்திரிகளாகவும் 8 தெய்வங்கள் காவல்காரர்களாகவும் அமையப்பெற்றுள்ளது.

திருக்கோவிலில் திருவிழாகாலங்களில் கொல்லபட்டியில் உள்ள முதற்படி சந்நதியிலிருந்து ஆராதணை ஆரம்பித்து தெக்குப்பட்டியில் உள்ள கோவிலுக்கு சாமி ஆட்டம் ஆடி சென்றுள்ளனர். பின்பு அத்திருக்கோவிலில் பொங்கல் வத்து ஆராதணை செய்து பொங்கல் பாணையை ராஜா தெய்வத்தின் தலையில் வைத்து காவல் தெய்வங்கள் காவலில் முதற்படி கோவிலுக்கு கொண்டுசெல்வார்கள். இவ்வாறு திருவிழா நடைபறும்.

இதில் காவல் தெய்வங்கள் ஆடுபவர்கள் குடும்பர் இன மக்கள் ராஜா தெய்வங்கள் ஆடுபவர்கள் ஜமீன்தரர்கள். குடும்பர் இன மக்களின் காவலில் நாம் வரக்கூடாதென்ற இலிவான என்னம் கொண்டு குடம்பர் இன மக்கள் சாமி கும்பிட வருவதை தடுத்துவிட்டனர். இதை தெய்வத்திடம் முறையிட்டு கும்பிட்டு நீங்கள் எங்களுடன் வந்துவிடவேண்டுமென்று கூறி பிடி மண்ணை எடுத்துக்கொண்டு தெக்குபட்டி கிராமத்தைவிட்டு வெளியேறிவிட்டனர்

தெக்குப்பட்டியிலிருந்து வெளியேறி கிழக்குநோக்கி நகர்ந்து வந்து ஓர் இடத்தை தேர்வு செய்து அங்கே கோவில் கட்டி அங்கேயே குடில்கள் அதிகமாக இருந்ததால் அப்பெயர் பெற்றது இதுவே தற்கால இருக்கண்குடி

பின்பு வசதியின் காரணமாக அவைகள் மேற்கு நோக்கி வந்து தங்கினர் அங்கு சில குடும்பர் இன மக்களும் ஒரு வேளார் மணையும் ஒரு ஆசாரி மணையும் ஏற்கனவே இருந்தது, அவர்களுடன் இவர்களும் இணைந்து வசித்துள்ளனர்.

தற்பொழுது இருக்கண்குடியில் அமைந்துள்ள கோவிலில் ஒவ்வொரு வருடமும் வைகாசி மாதம் கடைசி வெள்ளி அன்று இரவு முழுவதும் ஆராதணை நடைபெரும்.

தெய்வங்களின் பெயர்கள்:
1.புதியவராஜா
2. வெள்ளையராஜா
3. சின்னத்தம்பிராஜா
4. சுந்தரராஜா
5. நீலமேகராஜா
6. வனராஜா
7. சீதாராமராஜா
8. இளையபெருமாள்
9. ராஜகாளியம்மன்
10. மந்திர மூர்த்தி
11. பேச்சியம்மன்
12. ராக்காச்சியம்மன்
13. பாதாளகண்டி
14. அக்னி இருளப்பசாமி
15. மதுரை வீரன்
16. மாசாணமுத்து
17. பாதாள ராக்கு
18. வைரவன்
19. கழுங்கடியான்
20. பொன் மாடசாமி
21. செங்காட்டு இருளப்பசாமி

இத்துடன் நொண்டி மாடசாமி, சின்னத்தம்பி கிழவனுக்கும் பல்லயம் அளிக்கப்படும்.

தெய்வங்களின் சிறப்புகள் :
1. புதியவராஜா
புதியவராஜா தான் கோவிலின் தலைமை ராஜா. இவர் சைவமாக அமர்ந்துள்ளார். இவர் மலையாலம் பேசக்கூடிய கேரளாவில் வாசம் செய்கின்றார். உலகிலுள்ள அத்துனை ராஜாகளுக்கும் இவரே தலையாயவர். இவர் எப்பொழுதும் தங்க தொட்டிலில் தான் அமர்ந்திருப்பார்.

2. வெள்ளையராஜா
வெள்ளையராஜா இரண்டாவது ராஜா. இவர் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

3. சின்னத்தம்பிராஜா
சின்னத்தம்பிராஜா மூன்றாவது ராஜா. இவர் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

4. சுந்தரராஜா
சுந்தரராஜா நான்காவது ராஜா. இவர் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

5. நீலமேகராஜா
நீலமேகராஜா ஐந்தாவது ராஜா. இவர் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

6. வனராஜா
வனராஜா ஆறாவது ராஜா. இவர் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

7. சீதாராமராஜா
சீதாராமராஜா ஏழாவது மற்றும் கடைசி ராஜா. இவர் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

8. இளையபெருமாள்
இளையபெருமாள் மந்திரியாக அமர்ந்துள்ளார், இவரும் சைவமாக அமர்ந்துள்ளார். இவருக்கு வாய்ப்பூட்டு போடப்பட்டுள்ளது, அதாவது பேசுவது தடை செய்யப்பட்டுள்ளது ஆகையால் இவருடைய சிறப்பு தெரியவில்லை.

9. ராஜகாளியம்மன்
ராஜகாளியம்மன் சைவமாக அமர்ந்துள்ளார். காளியம்மன் வேறு எங்கும் சைவமாக இல்லை.

10. மந்திர மூர்த்தி

11. பேச்சியம்மன் 12. ராக்காச்சியம்மன்

13. பாதாள கண்டி

14. அக்னி இருளப்பசாமி

15. மதுரை வீரன்

16. மாசாணமுத்து

17. பாதாள ராக்கு

18. வைரவன்

19. கழுங்கடியான்

20. பொன் மாடசாமி

21. செங்காட்டு இருளப்பசாமி

22. சின்னத்தம்பி தாத்தா

ஆராதணை முறைகள் :
இத்திருக்கோவிலில் வருட ஆராதணை முறை பின்பற்றப்படுகிறது, அதாவது வருடத்திற்க்கு ஒருமுறை மட்டும் ஆராதனை நடக்கும்.

வைகாசி மாதம் கடைசி வெள்ளி அன்று கோவிலில் கொடை விழா நடைபெறுவதற்க்கு எட்டு தினங்களுக்கு முன்பு ஆராதணை நடத்தி கொடி ஏற்றப்படும். பின்பு ஒவ்வொருவருக்கும் ஒரு பொறுப்பு ஒப்படைக்கப்படும். அவர்கள் தங்களுக்கு கொடுத்த வேலையை திறம்பட செய்து முடிப்பர்.

கொடி ஏற்றிய எட்டாவது நாள் வெள்ளி அன்று இரவு 8.00 மணிக்கு மேல் விநாயகருக்கு ஒரு தேங்காய் விடலையும் ஒரு சூடமும் அளிக்கப்படும். பின்பு முதற்படி கோவிலில் முதல் மரியாதையாக சூடம் ஏற்றப்படும். அதன் தொடர்ச்சியாக கொடி அழைத்தல் (சாமி இருக்கும் மேற்கு திசையை நோக்கி தேங்காய் உடைத்து சாமிகளை அழைத்தல்) நடைபெறும். அடுத்தபடியாக சாமிக்கு அலங்காரம் செய்து ஆராதணை நடத்தி சாமியாட்டம் ஆடும், மருளாடிகளுக்கு சந்தனும் குங்குமம் வைத்து மேளம் தட்டி அருள் ஏற்றப்படும். பின்பு புதியவராஜா சாமியிடம் அருள் பெற்று காவல் தெய்வங்கள் வைரவனும் இருளப்பசாமியும் ஊர் சுற்றி வரும்போது அக்னி இருளப்பசாமி மட்டும் ராஜாவிற்க்கு காவல் இருப்பர். இதன் தொடர்ச்சியாக ஆசாணம் என்றழைக்கப்படும் எல்லை தெய்வத்திற்க்கு ஒரு தேங்காய் பழம் மாலை அளிக்கப்படும். அதன் தொடர்ச்சியாக இரவு 11.00 மணிக்கு மேல் காட்டிற்குள் இருக்கும் கோவிலுக்கு செல்வார்கள்.

அங்கு சென்று முதலில் ஒரு சேவல் தோரண காவு கொடுக்கப்படும். அடுத்து வாழைமரம் நட்டப்படும். அதன் தொடர்ச்சியாக மீண்டும் கொடி அழைத்து சாமிகளுக்கு அலங்காரம் செய்து பொங்கல் வைக்க தண்ணீர் எடுக்க நதிக்குச் சென்று பொங்கல் பாணைகளுக்கு சந்தனம் குங்குமம் வைத்து ஆராதணை நடத்தி பொதுப்பாணையை புதியவராஜாவின் தலையில் வைத்து பாணையை கொண்டுவந்து பொங்கள் வைக்கப்படும். பொங்கல் வைக்கும் போது ஒரு தேங்காய் உடைத்து ஒரு ஆராதணை நடத்தி பின்பு பொங்கல் முடித்த பின் தலுகை (பொங்கல்) வைத்து ஒரு ஆராதணை நடத்தபடும்.

அதன் தொடர்ச்சியாக காளியம்மனுக்கு சைவ காவு கொடுக்கப்படும். அப்பொழுது அம்மனுக்கு தனி அலங்காரம் செய்யப்படும். அப்பொழுது அம்மனுக்கு தனி அலங்காரம் செய்யப்படும். அடுத்தபடியாக அக்னி இருளப்பசாமியின் தலைமையில் அக்னி இருளப்பசாமி மதுரை வீரன் மாசாண முத்து வைரவன், கழுங்கடியான், பொன் மாடசாமி, நொண்டி மாடசாமி, செங்காட்டு இருளப்பசாமி என அனைத்து சாமிகளுக்கும் அசைவ காவும் அருந்த மதுவும் கொடுத்து பசியமர்த்தப்படும். அப்போது புதியவராஜா அக்னி இருளப்பசாமி, மதுரை வீரன், மாசாண முத்து, வைரவன், கழுங்கடியான், பொன் மாடசாமி, நொண்டி மாடசாமி, செங்காட்டு இருளப்பசாமி என அனைத்து சாமிகளும் மக்களுக்கு அருள்வாக்கு அளிப்பார்கள். அதன் தொடர்ச்சியாக மீண்டும் ஒரு தேங்காய் உடைத்து ஒரு ஆராதணை நடத்தப்படும். அதன் பின்பு பொங்கல் பாணை புதியவராஜாவின் தலையில் தூக்கி விடப்படும். தொடர்ச்சியாக ஒரு செம்மறி ஆட்டுக்கிடாய் வடக்கு வாசலில் வெட்டப்படும். பின்பு பொங்கல் பாணை புதியவராஜாவின் சக்தியால் ஊரில் அமைந்துள்ள முதற்படி கோவிலுக்கு கொண்டுவரப்பட்டு மஞ்சள் நீராட்டு முடித்து முதற்படிக்கோவிலில் மீண்டும் ஒரு தேங்காய் உடைத்து ஆராதனை செய்யப்படும். பின்பு படிமார்த்ததாரர்களுக்காக பிரசாதம் வழங்கி கொடை திருவிழா நிறைவுபெரும்.

எட்டு நாள்கள் கழித்து ராஜாவிடம் ஒரு பொங்கல் வைத்து திருவிழா தடை நீக்கப்படும்.

 

ஆய்வாளர் : பெ.மாரிச்செல்வம் இ.க.தமிழ்

தகவல் : 1. பெ.பழனிமுருகராஜா
2. வ.இருளப்பராஜா
3. ஜெ.குருசாமி
4. க.மாரிமுத்து

இருக்கண்குடி பங்குனி பொங்கல் விழா.

ஒவ்வொரு வருடமும் தமிழ் மாதம் பங்குனி கடைசி வெள்ளி கிழமைக்கு 7 நாட்களுக்கு முன்னதாக வெள்ளிக் கிழமை அன்று கொடியேற்றம் நிகழ்ச்சி இருக்கண்குடி மாரியம்மன் திருக்கோயிலில் வைத்து ந்டைபெறும், அங்கு ஊர் நாட்டாமை, பஞ்சாயத்து தலைவர், பொக்கிஷ்த்தார், காலாடி, ஊர் பெரியோர் மற்றும் இளைஞர்கள் முன்னிலையில் நடைபெறும்.

அன்றிலிருந்து ஊர் மக்கள் கையில் மஞ்சள் காப்புக் கட்டி, முளைப்பாரியிட்டு விரதம் இருப்பர். தினமும் கலையில் நீராடி மாரியம்மன் கோவிலுக்கு சென்று வழிபட்டு புனித நீர் எடுத்து வந்து முளைப்பரிக்கு ஊற்றுவர், பின் இரவு முளைப்பாரியிட்ட பெண்கள் அனைவரும் ஒன்றுகூடி அம்மன் பாடல்கள் பாடி கும்மியடித்து முளைப்பாரியை வளர்ப்பர்.

கடைசி வெள்ளிக்கிழமை அன்று மாலையில் அம்மனுக்கு நேர்த்திக்கடன் செலுத்துவோர் அக்கினிசட்டி, ஆயிரம் கண் பானை, உருவம் எடுத்தல்,பால் குடம் எடுத்தல், மொட்டையிடுதல், பூமுடி கொடுத்தல் போன்ற நிகழ்ச்சிகள் நடைபெறும் அதன் பின் இரவு 11 மணிக்கு மேல் ஊர் மக்கள் அனைவரும் மேளதாளம் முழங்க ஒன்றுகூடி பொங்கள் வைக்கச் செல்வர். கோவிலுக்குச் சென்றதும் பொங்கல் பானையில் நீர் நிறப்பி வந்து ஒரே நேரத்தில் தீயிட்டு பொங்கல் வைப்பர். பொங்கல் வைத்துக்கொண்டிருக்கும் போதே வீட்டில் உள்ள ஆண்கள் மற்றும் குழந்தைகள் அம்மனை வழிபடச் செல்வர். பொங்கலிட்டு முடிந்ததும், அம்மனுக்கு மாவிளக்கு எடுத்துச் செல்வர். ஊர் பெண்கள் அனைவரும் மாவிளக்கு எடுத்து இரவில் கோயிலைச் சுற்றிவரும் நிகழ்ச்சி கண்கொள்ளாக் காட்சியாகும். அதன் பின்னர் கோயிலின் முன்னால் இருபுறமும் வரிசையாய் வைத்து மேளம் அடிப்பர் ப்ப்போது மக்கள் அருள் வந்து ஆடி அருள்வாக்கு சொல்வர். அதிகாலை 3 அல்லது 4 மணிக்கு பொங்கல் நிகழ்ச்சி நிறைவு பெறும்.

சனிக்கிழமை மாலை 3 மணிக்கு மேல் முளைப்பாரி எடுத்தல் நிகழ்ச்சி நடைபெறும், மேளதாளம் மற்றும் தாரை தப்பட்டை முழங்க இளைஞர் பட்டாளம் ஆடிக்கொண்டே முன்னே செல்ல பின்னால் அம்மன், குறவன் குறத்தி, கரகாட்டம் மற்றும் சாமி வேடம் அணிந்து இரண்டு டிராக்டர்களில் மேல் அமர்ந்து அதன் பின்னர் முளைப்பாரி ஊர்வலமாய் வரும். இந்நிகழ்ச்சி இருக்கண்குடி தேவேந்திரகுல திருமண மண்டபத்தில் இருந்து பெருமாள் கோவில் வழியாக வந்து, பேருந்து நிலையம் வழியாக காளியம்மன் கோவிலை சுற்றி வலம் வந்து மாரியம்மன் திருக்கோயிலுக்கு வருவர், அதுவரை மேளதாளம் மற்றும் தாரை தப்பட்டை முழங்க இளைஞர் பட்டாளம் ஆடிக்கொண்டே முன்னே செல்லவர். பின் கோயிலில் முளைப்பாரியை வைத்து கும்மியடிப்பர், இந் நிகழ்ச்சி முடிந்ததும் முளைப்பாரியை ஆற்றில் சென்று கரைத்து விடுவர்.

மறுநாள் முளைப்பரி எடுத்த பெண்கள் அனைவரும் நீராடி கோவிலுக்குச் சென்று புனித நீரால் அபிசேகம் நடைபெறும், இத்துடன் இந்நிகழ்ச்சி நிறைவுபெறும்.

இருக்கண்குடி பங்குனி பொங்கல் விழா புகைப்படங்கள்

இருக்கண்குடி பங்குனி பொங்கல் இனிதே தொடங்கியது…

இருக்கண்குடி பங்குனி பொங்கல் இனிதே தொடங்கியது…
அனைத்து நல்ல உள்ளங்களும் விழாவினை சிறப்பிக்க வேண்டுகிறோம்…

இருக்கண்குடியில் பாயும் வைப்பாறு உருவான வரலாறு

வைப்பாறு உருவான விதம்

சம்புகன் என்ற வேடனால் அயோத்தியில் வாழ்ந்த ஒருவன் இறந்தான். இதை கேள்விபட்ட ஸ்ரீராமர், வேடன் சம்புகனை கொன்றார். வேடனால் இறந்தவனை தன் சக்தியால் உயிர்பித்தார் ஸ்ரீராமர்.

இறந்தவனுக்கு மீண்டும் உயிர் தந்தாலும், வேடன் சம்புகனை கொன்றதால் ஸ்ரீராமருக்கு பிரம்மஹத்திதோஷம் பிடித்துக்கொண்டது. அந்த தோஷத்தில் இருந்து விடுபட சிவமலையில் இருக்கும் சிவபெருமானை நினைத்து, வணங்கி தவம் செய்து பாப விமோசனம் பெற்றார் ஸ்ரீஇராமர்.

தோஷங்கள் நீங்கியதால் பல சிவாலயங்களுக்கு சென்று தரிசித்து மீண்டும் அயோத்திக்கு திரும்பி செல்ல முடிவு செய்து பயணத்தை தொடர்ந்தார். வரும் வழியில் மேற்கு தொடர்ச்சி மலை பக்கமாக வந்து சேர்ந்தபோது மாலை பொழுது ஆனதால், நீராடி, சிவவழிபாடு செய்ய வேண்டும் என்று எண்ணிய ஸ்ரீராமர், தண்ணீரை தேடினார். ஆனால் அந்த மலைபகுதியில் எங்கும் தண்ணீர் இல்லை.

அப்போது அங்கு இருந்த ஒருவர் ஸ்ரீஇராமரிடம், “இராம.., அகத்திய முனிவர் புண்ணிய நதிகளை ஒன்று திரட்டி ஒரு குடத்தில் அடைத்து வைத்து, இந்த இடத்தில் புதைத்து வைத்திருக்கிறார். அகத்திய மாமுனிவர், காரணம் இல்லாமல் இதை செய்து இருக்கமாட்டார். நீங்கள் இந்த பகுதிக்கு வருவீர்கள் என்பதை அகத்தியர் அறிந்தே அப்படி வைத்துள்ளார்.” என்றார்.

இந்த வைப்பாறு, பல ஊர்களை சுற்றி வந்து அர்ஜுன நதியோடு இணைகிறது.

தெற்குப் பக்கம் வைப்பாறு, வடக்குப் பக்கம் அர்ஜுனன் ஆறு. இந்த இரு ஆறுகளும் கங்கை நதிக்கு இணையாக இருப்பதால் இந்த இடத்தில் அம்பாள் வீற்றிருக்க விரும்பினாள்.

Irukkangudi Village History

இருக்கண்குடி பெயர் உருவான விதம்

கோயிலின் தெற்குப் பக்கம் வைப்பாறு, வடக்குப் பக்கம் அர்ச்சுணன் ஆறு என்று இரு ஆறுகள் சேர்ந்து வருவதால் இரு கங்கை கூடுமிடம் என்று சொல்லப்பட்டு இந்த இடத்தில் அம்மன் குடி கொண்டு விட்டதால் இருக்கங்கை குடி என்று இருந்து பின்னால் அது இருக்கன்குடி என்றாகி விட்டது. இந்த அர்ச்சுணன் நதி புராணப் பெருமை வாய்ந்தது என்று சொல்லப்படுகிறது. இந்த அர்ச்சுணன் நதி வத்திராயிருப்பு என்கிற மலைப் பகுதியிலிருந்து உற்பத்தியாகி இங்கு வருகிறது. முன்பொரு காலத்தில் பஞ்ச பாண்டவர்கள் காடுகளில் திரிந்து இந்தப் பகுதிக்கு வந்திருக்கின்றனர். இங்கு நீராடுவதற்கு தண்ணீர் இல்லாததால் பாண்டவர்களில் ஒருவரான அர்ச்சுணன் கங்கையை வேண்டி தனது அம்பால் பூமியைப் பிளந்து தண்ணீரை வெளியில் கொண்டு வந்தார் என்றும் இந்த ஆற்றை உருவாக்கியது அர்ச்சுணன் என்பதால் இதற்கு அர்ச்சுணன் ஆறு என்று பெயர் ஏற்பட்டதாகச் சொல்கிறார்கள்